ដោយ វត្តភ្នំ ម៉ោង
10:30
ខណ្ឌដង្កោ ៖ មន្ត្រីនគរបាលជានាយរងប៉ុស្តិ៍នគរបាលស្ទឹងមានជ័យទី២ម្នាក់ ជិះម៉ូតូចាប់ហ្វ្រាំងដួលចូលក្រោមរថយន្តធុនធំ កិនបណ្តាលឲ្យធ្លាយខួរ ស្លាប់យ៉ាងអាណោចអាធ័ម វេលាម៉ោង ៧ យប់ថ្ងៃទី២ ខែមីនា ឆ្នាំ២០២៥ ទល់មុខហាង រាត្រីមនោរម្យ ផ្លូវបេតុងទួលពង្រ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។
ជនរងគ្រោះមានឈ្មោះ ស៊ុយ សុផាត ភេទប្រុស អាយុ ៥៥ឆ្នាំ មុខរបរ មន្ត្រីនគរបាល ឋានន្តរសក្ដិ នាយរងប៉ុស្តិ៍ការពារគោលដៅទី២ មានអាសយដ្ឋាន ផ្ទះលេខ១៣៣អឺ0 ផ្លូវលំ សង្កាត់ស្ទឹងមានជ័យ ខណ្ឌមានជ័យ ជិះម៉ូតូធុនធំម៉ាកSL ពណ៌ទឹកប្រាក់ ពាក់ស្លាកលេខ ភ្នំពេញ 1CI 3033 តាមបណ្ដោយផ្លូវបេតុងទួលពង្រ ទិសដៅពីកេីតទៅលិច លុះមកដល់ចំណុចកេីតហេតុ បានជិះវ៉ាជែងរថយន្ដ តែសង្ស័យអកសឺ ជាមួយរថយន្តមួយគ្រឿងទៀតមកខាងមុខ ក៏ស្រាប់តែអ្នកជិះម៉ូតូ បានចាប់ហ្រ្វាំងទាំងបង្ខំ បណ្តាលឲ្យម៉ូតូ ដួលខ្ទាតមនុស្ស ចូលក្រោមរថយន្តសណ្តោងធុនធំ ម៉ាក ហ៊ីយ៉ាន់ដាយ ពណ៌បៃតង ពាក់ស្លាកលេខ ព្រះសីហនុ 3A 0944 កិនធ្លាយខួរស្លាប់យ៉ាងអាណោចអាធ័ម៕
