ឈ្មួញ​​មា​ន​អំ​ណា​ច ប​ន្ត​​ដឹ​ក​ជ​ញ្ជូ​ន​​​ឈើ ចេ​ញ​​តា​ម​​ច្រ​ក​​អូរ​​យ៉ា​​ដា​វ យ៉ា​ង​​គ​គ្រឹ​ក​គ​គ្រេ​ង ​ប​ន្ទា​ប់​ពី​​ចា​​យ​លុ​យ រា​ប់ម៉ឺ​ន​​ដុ​ល្លា​រ រត់​​ការ​ប​ង់​​ផ្លូវ 
​ដោយ វត្តភ្នំ ម៉ោង 14:34
ថ្ងៃទី21 ខែAugust ឆ្នាំ2017
សូមរាយការណ៍

​ខេត្តរតនគិរី ៖ មក​ដល់​ពេ​ល​នេះ ឈ្មួញ​​ជា​ច្រើន ​​នៅ​​តែ​អា​ច បន្ត​ស​កម្ម​ភាព ដឹកជ​ញ្ជូន​​ឈើ ចេ​ញ​ទៅ​​ស្រុក​​យួន តាម​​ច្រក​ទ្វារ អន្តរ​ជា​តិ អូ​រ​យ៉ា​​ដាវ យ៉ាង​​ពេ​ញ​ប​ន្ទុក ព្រោះ​​មាន ការ​ឃុប​ឃិត បើក​ដៃ​​ពី​​លោក អ៊ី ចំ​រើន មេ​​នគ​របាល អ​ន្តោ​ប្រវេសន៍ ច្រកទ្វារ​អន្តរជាតិ អូ​រយ៉ា​ដាវ​។ ឈើប្រណិត រាប់សិប​ម៉ែត្រគូប ត្រូវបាន ឈ្មួញ​មានអំណាច ឈ្មោះ វ៉ៃ កាប់​ពី​ស្រុក អណ្តូង​មាស និង​ស្រុក​តា​វែង នៃ​តំបន់​កន្ទុយ​នាគ ដឹកជញ្ជូន យ៉ាង​គគ្រឹកគគ្រេង បន្ទាប់ពី​ចាយលុយ រាប់សែន​ដុល្លារ បង់​ឲ្យ​មន្ត្រី និង​សមត្ថកិច្ច គ្រប់​ជំនាញ​។​

​ប្រភព​បាន​ឲ្យ​ដឹងថា លោក អ៊ី ចំរើន ដែលមាន ខ្នងបង្អែក យ៉ាងរឹងមាំ នៅក្នុង អគ្គនាយកដ្ឋាន អន្តោប្រវេសន៍ ក្រសួងមហាផ្ទៃ បាន​ឃុបឃិត បើកដៃ​ឲ្យ​ឈ្មួញ ដឹកជញ្ជូន​ឈើ ទៅ​ស្រុក​យួន ក្នុង​មួយថ្ងៃៗ​ពី ៤០០​ទៅ​៥០០ ម៉ែត្រគូប ហើយ​អាច ប្រមូល​លុយ បាន​យ៉ាងច្រើន សន្ធឹកសន្ធាប់ ក្នុងនោះ​ក៏មាន​ការ បែងចែក ទៅ​មេៗ​ខាងលើ មួយផ្នែកធំ ផងដែរ ទើប​ថ្នាក់លើ រក្សា​ភាពស្ងប់ស្ងាត់​។ ចំណែក​លោក ថង សាវុន អភិបាល ខេត្តរតនគិរី និង​លោក កែប កត់ នាយ​ខណ្ឌ រដ្ឋបាល​ព្រៃឈើ ខេត្តរតនគិរី គិតតែ​ពី​រឿង ប្រមូល​លុយ ដាក់​ហោប៉ៅ ហើយ​មិន​ខ្វល់ ពី​រឿង​ព្រៃឈើ ដែល​កំពុងតែ ប្រឈម​នឹង​ការបំផ្លាញ យ៉ាង​មហន្តរាយ នោះទេ​។ 

​មានការ​រិះគន់​ខ្លាំងៗ​ថា លោក អ៊ី ចំរើន មេ​នគរបាល​អន្តោប្រវេសន៍ ប្រចាំ​ច្រកទ្វារ អន្តរជាតិ អូ​រយ៉ា​ដាវ កំពុង​ប្រើ​អំណាច ឃុបឃិត​ឲ្យ​ឈ្មួញ មិនតិចជាង ២០​នាក់ ដឹកជញ្ជូន​ឈើ ឆ្លងកាត់​ច្រក​អូ​រយ៉ា​ដាវ ចេញទៅ​ស្រុក​យួន​។ បើតាម​មន្ត្រី អាជ្ញាធរ និង​សមត្ថកិច្ច ក្នុងស្រុក​អូរ​យ៉ា​ដាវ ខេត្តរតនគិរី បាន​បង្ហើប ពី​រឿង​លោក អ៊ី ចំរើន បើកដៃ​ឲ្យ​ឈ្មួញ ជាច្រើន​នាក់ បន្ត​ដឹកជញ្ជូន​ឈើ ទៅ​ស្រុក​យួន ជា​ថ្នូរ​នឹង​លុយ រាប់ម៉ឺន រាប់សែន​ដុល្លារ ក្នុង​មួយខែៗ ទើប​ក្រុម​ឈ្មួញ នៅតែ​អាច ដឹកជញ្ជូន​ឈើ ចេញ​តាម​ច្រក អូ​រយ៉ា​ដាវ យ៉ាង​គគ្រឹកគគ្រេង មិនដែល មាន​នរណា ហ៊ាន​ប៉ះពាល់​៕

P 1807A15 P 1807A16 P 1807A18 P 1807A19

Loading...